सत्ति / टीकापुर–७ सत्तिमा हुने महायज्ञको तयारी तिब्र पारिएको छ । 
सत्ति स्थित ऐतिहासिक मन्दिर पद्म प्रकाशेश्वर महादेव मन्दिरको लागि जमिन किन्न हुन लागेको महायज्ञको तयारी तिब्र पारिएको पदम प्रकाशेश्वर महादेव मन्दिर संरक्षण समितिका अध्यक्ष बिदुर कायस्थले बताए ।
‘परिश्रमले कमाएर दिएको तपाईको सहयोग गर्छौं हामी सही सदुपयोग’ भन्ने मुल नाराका साथ हुन लागेको श्रीमद् भागवत भक्ति सत्संग अनुष्ठान –२०७९ यही चैत्र ८ गतेदेखि १५ गते सम्म हुने अध्यक्ष कायस्थले जानकारी दिए । उनलेे महायज्ञको तयारी हालसम्म ७५ प्रतिशत सम्पन्न भइसकेको बताए । हालसम्म महायज्ञ स्थल पटानि गर्ने ,सरसफाइ गर्ने ,विभिन्न स्थानीय तहमा निम्तो दिने ,धार्मिक ,व्यापारीक ,दलका अगुवा ,बडघर,नागरिक अगुवाहरु संग पटकपटक छलफल भएको कायस्थले जानकारी दिए ।
मन्दिरमा रंगरोगन ,पत्राचार,पाेष्टर,पम्प्लेट छपाइ लगायतका सम्पुर्ण काम सम्पन्न भएको र मञ्च र पण्डालकाे काम तुरुन्तै सुरु हुने बताइएको छ ।
बि.स. १९६७ मा रणोदिपसिंको महारानीले महोत्सव गराएको १११ वर्षगाँठकाे अवसर पारेर सत्संगको आयोजना गर्न लागिएको जनाएको छ ।
त्यतिबेला मन्दिरको नाममा सात सय बिगाहा जग्गा रहेको मन्दिरमा सुनको गजुर भएको सुनको अक्षर भएको शिलालेख भएको र धर्मशाला रहेको किवदन्ति छ तर पदम प्रकाशेस्वर मन्दिरको नाममा रहेको उक्त सात सय विगाहा जमिन पछि क्रमिक रुपमा अतिक्रमित भएको बताइन्छ । हाल मन्दिर को अढाई कट्ठा जमिन मात्र रहेको छ ।
हाल मन्दिर रहेको अढाई कट्ठा जग्गा अपुग भएको ले मन्दिर परिसरसँगै जोडिएको थप पाँच कट्ठा जमिन किन्नकै लागि महायज्ञको आयोजना गर्न लागिएको अध्यक्ष कायस्थले जानकारी दिए ।
उनले हालै प्रति कट्ठा पच्चिस लाखका दरले तीन कट्ठा सत्र धुर जग्गाको पाँच लाख रूपैयाँ बयाना गरिसकेको समेत जानकारी दिए ।
महायज्ञमा ऋषिराज आचार्य, मुर्मुक्षु उद्धव शर्मा र आचार्य सुश्री अनुराधा देवीले प्रवचन दिने कार्यक्रम रहेको छ ।
उनले मन्दिर संरक्षणमा स्थानियको सक्रियता कम भएकाले यस्तो प्राचिन मन्दिर प्रचार प्रसारमा पछि परेको बताए । मन्दिरकाे जमिन खरिदका लागि दाता ,तथा जमिन किन्नका लागि सहयोग जुट्ने क्रम बढेको छ । मन्दिर संरक्षण समितिका सदस्य रम्भादेबि कडायतले आफ्ना स्व. श्रीमानकाे स्मरणमा २५ हजार ५ सय ५५ रुपैयाँ नगद रकम जग्गा खरिदका लागि महायज्ञ सुरु हुनुभन्दा अगाडि नै प्रदान गरिएको छ भने महायज्ञका लागि करिब २१ लाख लागत लाग्ने जानकारी गराइएको छ ।
समाचार 
